Jim Morrison | |
---|---|
Date | |
Geburtsname | James Douglas Morrison |
Uf d Wält cho | 8. Dezämber 1943 California, USA |
Gstorbe | 3. Juli 1971 Paris, Frànkrich |
Genre | Rock |
Beschäftigung | Singer-Songwriter, Musiker |
Instrument | Gsang |
Aktiv | 1965-1971 |
Label | Columbia, Elektra |
Het gspiilt mit | The Doors |
Website | www.jimmorrisononline.com |
De Jim Morrison (* 8. Dezämber 1943 z Kalifornie, USA, as James Douglas Morrison, † 3. Juli 1971 z Paris, Frankrich), isch än amerikanische Rocksänger und Komponischt gsi. Er isch dr Frontmaa vo dr Rockgruppe The Doors gsi und het d Teggst für die mäiste Lieder von ere gschriibe.
Dr Jim Morrison gältet as Rockmusiker, wo d Fantasie, Visione, Ängst und d Sälbstzerstöörig vo dr Generazioon vo de spoote 1960er Joor artikuliert und exemplarisch usgläbt het.[1] Er zelt zu de charismatischste Persönlichkäite vo dr Rockmuusig in dere Zit. Mit de Doors het er s Repertuar vo dr Rockmuusig um meerschichtigi Konzeptstück und Forme vom Rocktheater erwiteret. Dr Morrison het zu Läbzite drei Gedichtbänd veröffentligt und het d Doors-Konzärt regelmäässig für spontani Rezitazioone vo poetische Teggst usgnützt. Er het e Dokumentarfilm über d Doors broduziert und en experimentelle Spiilfilm dräit.
Dr Morrison het sich mit sim Rock-Bariton und sine poetische Songteggst e Naame gmacht, in sine spöötere Joor wird er aber mäistens mit eme ufrüererische und sälbstzerstörerische Lääbensstil assoziiert. Dr früe Dood vom Morrison, wo die nööchere Umständ von em nit mit Sicherhäit häi chönne kläärt wärde, het vil zur Legändebildig um si Person bidräit.
© MMXXIII Rich X Search. We shall prevail. All rights reserved. Rich X Search